شعر شعبي عراقي بقلمي

[center]
راح اعوفج مثل ماعفتي دموعي بلاية رحمة بالمدامع تنهمر
راح اعوفج يلي عفتيني بجروحي وماعطف كلبج ولا مرة انكسر
راح اعوفج يل حملتج ذنوبج آنة واضن اليوم ذنبج ينغفر
راح اعوفج مااريد ارجع عليج وما اريد بكلبي الكيلج اثر
كافي يفلانة تعب كلبي بهواج وهسة بفراش العشك شو يحتضر
وكافي اسكت عالجرالي شما يصير وكافي اكظي العمر بس اجمع عبر
وكافي اجرع سمي بيدي وهذا ليش ؟ وكافي اصب زيت بأدية اعلة الجمر
ليش من يوم العرفتج هذا حالي وحالتي حتة لعدوي ماتسر
كافي حتة لساني شاب من السكوت وشاب حتة الصبر من كثر الصبر
صرتي عندي رواية قديمة وبقت بيهة لهسة صفحات الغدر
وصرتي لا شئ بالنسبة الي ولا تهميني ولا حتة انقهر
انت ترديني اعيش بلا كرامة.؟! وهذا اصعب حتة من نقش الحجر..