عاشقة الكاراتية مشرفة
عدد الرسائل : 342 الاوسمة التي حاصل عليها : نقاط : 6 تاريخ التسجيل : 20/06/2007
| موضوع: بتعرف تحمد ربنا؟!!! الثلاثاء يوليو 15, 2008 4:32 am | |
| السلام عليكم ورحمة الله عارفة إن العنوان غريب ....مش كده ؟؟!!! بس هل احنا فعلا بنعرف نحمد ربنا ؟!!! طبعاً يا بنتى ....إنتى بتتكلمى إزاى ؟؟أكيد بنعرف ..... بعد الأكل "الحمد لله الذى أطعمنى وسقانى وجعلنى من المسلمين" بعد ما أعطس بقول الحمد لله بعد الصلاة بحمد ربنا 33 مرة .....شفتى بأى. مش تزعلوا منى يا جماعة مش قصدى السخرية أبداً بس تفتكروا دا كفاية؟إمتى اّخر مرة حمدت فيها ربنا بجد ...مش بعد صلاة ولا أكل ولا حتى عطسة ؟؟؟ إمتى فكرت فى كل نعمة من النعم اللى إدهالك وقلت يااااااااااااه ،الحمد لله ،كل دى نعم يارب وأنا مش حاسس بيها ؟؟!!!! إمتى حسيت إنه مش حاجة طبيعية يعنى إنك تقوم من النوم تلاقيك صحتك كويسة ...تلاقيك مخك بيشتغل ....تلاقيك قادر تحرك رجليك واديك ....قادر تاكل ...تشرب ....تنام....تشوف ....تحس....بينما ناس كتير مش قادرة تعمل كده ؟؟؟ يا جماعة دى حاجة احنا ناسينها فعلا ....ليه مش نعمل حتى ساعة واحدة فى الأسبوع نتأمل فيها نعم ربنا ونقوله "يارب لك الحمد حتى ترضى ولك الحمد إذا رضيت ولك الحمد بعد الرضا ولك الحمد أبدا أبدا".....لازم قبل ما النعمة تزول وبعد كده تقول ياريتنى ....وقتها مش هينفع الندم . بس أنا النهاردة عاوزه أتكلم معاكم على الحمد والشكر لله على نعمة تانية خالص ......أجمل نعمة فى الدنيا "نعمة الإسلااااام".. تخيل لو انت مش مسلم ....اتولدت مثلا فى بيئة غير مسلمة ...تفتكر كان هيبقى لأى حاجة فى الدنيا معنى؟؟؟؟دى لوحدها نعمة تستحق سنين من الحمد .....لقيت نفسك مسلم من غير ما تبحث ولا تعانى ولا تتأمل ....يمكن علشان كده إحنا اتعودنا على الوضع .....ومش حاسين بعظمة النعمة دى . لو عايز بجد تحس بروعة النعمة دى حاول تعرف شوية عن الديانات التانية ...هتلاقى سبحان الله حاجات غريبة لم تكن تتخيلها ......هتحس فعلا ان انت فى نعيم مش حاسس بيه . طيب أقولكم اقتراح احسن .....أنا بفكر أعملكم سلسلة أكلمكم فيها عن الديانات التانية باسلوب بسيط ولذيذ علشان كلنا نعرف الناس دى بتعمل ايه ...بتفكر ازاى ....ساعتها هنحمد ربنا بجد. لو الفكرة عجبتكم قولولى ....وانا هبدأ ان شاء الله ....مستنية ردودكم وعاوزة تفاعل بأى إن شاء الله . سلام عليكم دلوقتى لا لا لا ....صحيح ...........قولت الحمد لله ؟؟؟؟ | |
|
Medhat Almasry مدير المنتدى
عدد الرسائل : 937 العمر : 37 الاوسمة التي حاصل عليها : نقاط : 416 تاريخ التسجيل : 01/01/2008
| موضوع: رد: بتعرف تحمد ربنا؟!!! السبت أغسطس 09, 2008 4:12 pm | |
| فعلان احنا مقصرين مع ربنا عز وجل ربنا يرحمنا يارب بارك الله فيكى وجعله فى موازين حسناتك | |
|
الزعيم مؤسس المنتدى
عدد الرسائل : 1360 العمر : 32 الاوسمة التي حاصل عليها : نقاط : 59 تاريخ التسجيل : 20/06/2007
| موضوع: رد: بتعرف تحمد ربنا؟!!! السبت أغسطس 09, 2008 5:18 pm | |
| يارب ارحمنا انت ارحم الراحمين جزاكي الله خير جزاء والحمد الله على كل شي | |
|